القصيده :أسأل الناس ويني . . ! ؟
لا والله الا ماتغيـر معـي شــي=حايلتهـا بالطيـب عيـت تجينـي
دنياً كوتني بالشقى ياعـرب كـي=وأستنزفت صبري ومافي يدينـي
في داخلي ميت وأنا منحسب حـي=في داخلي صرخة ألم من سنينـي
في داخلي ظلمى بكت ترتجي ضي=في داخلي طفلً صرخلـي يبينـي
في داخلي عطشان ميت على المي=في داخلي عبـره تترجـم حنينـي
في داخلي رمضاء وأدور على الفي=في داخلي دمعً عصى وسط عيني
في داخلي وردً ذبـل يرتجـي ري=ضايع بهمي وأسأل الناس وينـي
أنا بقايا أنسـان والترجمـه غـي=ذنبي عشقت الحرف والهم فينـي
أعطي دفاء قلبي وأنا منطوي طي=وأجبر كسور الناس وأنسى أنيني
هذا أنـا بالمختصـر قصتـي ذي=وأسمي محمد والقوافـي ونينـي
