القصيده :الايازين قلي وش بلاكا
الايازين قلي وش بلاكا=وش اللي صار مني ويش جاكا
وانا ماخطيت ذا كله خطاكا=تراني في رجا الله ثم رجاكا
الايـازيـن لاتـبـخـل بـحـبـك=لاتاخذ ذنب فيني خاف ربك
وانا اعرف كل مايجري بقلبك=وتظهر عكس ماكان بخفاكا
ابي شوفك ولو عدت ثواني=انـا ربـي بحـبـك أبـتـلانـي
وماجالك ربع من شي جاني=عساك تذوق ماجاني عساكا
انا ليلي قلبته مع نهاري=وحبك في عروق الدم جاري
تعذبني وكنك مانت داري=وانا اللي صابني سبة هواكا
انا قلبي يعذب في سجونك=ويشكيلي بما تفعل عيونك
ترا العالم يبون يحاكمونك=وراك تعذب قليبي وراكـا
انا المجنون في حبك وربي=وعشقك هو ترا زادي وشربي
وودي طول عمري وانت قربي=ومبي فالقبر يدفني سواكـا
وربي مانسيتك لو دقيقه=وروحي في بحر حبك غريقه
افكر فيك في فرحه وضيقه=وافكر فيك حتى فالعراكـا
عشقت الليل والوحده عشانك=ياليت تشوف في قلبي مكانك
ومـاتـبـغـي فـلا يـردك لـسـانـك=ولو تامر على روحي فداكـا
تدلل وش تبي تطلب واجيبه=رضو كل البشر ولا غصيبه
واهم مافي حياتي ياحبيبه=رضا الله ووالديني ثم رضاكا
تراني من بعد صدك موللي=ماغير اصيح وارحب واهللي
ومنهو مر بي قلت انت خلي=طلبتك قول لي ارجوك جاكا
ابيك ترد عقلي قال وشبك=وعقلك يفصل ومرات يشبك
وقلت احذر ترا نخلك وعشبك=اذا انه مات ماينفعه ماكا
وقال اسمع كلامي ياهبيله=وقلت اسكت تراني من قبيله
ابي تحفظ لسانك قبل اشيله=ترا لسانك يبي يسفك دماكا
وقال ابعد ويبعد معك شرك=انا ابغى انفعك مابغي اضرك
وقلت اوقف مكانك لاتحرك=ابي تفزع لمن جاك ونخاكا
وقال ابغيك تذكر لي وصوفه=وقلت اسمي نقشته في كفوفه
وبعيوني هنا طيفه تشووفه=وهـو ماهـو بشـر يـمكن ملاكـا
وقال المشكله ماهي كبيره=ابي تذكر ولو حاجه صغيره
وقلت احذر ترا عيونه خطيره=تـورًد ناظرينه لـلـهـلاكـا
وقـال اللـه يادنيـا غـريـبـه=محب ولاعرف يوصف حبيبه
وانا بنصحك فالدنيا العجيبه=في وسط الداء تبي تلقا دواكا
وانا جيتك وانا كلي رهينك=وطبي مع حياتي في يدينك
نبي نصلح فيمابيني وبـيـنـك=الا ياجـعـل خالـقــك يحماكـــا
