القصيده :تلوع الكبد . . !
حزين وغرفةً ظلمى ونورً منبثق عن بعد=وهاجس شاعرً غنى على الأحزان مواله
يلاعب سبحته بيده وقدامه ورق ماعد=مبعثر والقلم يبكي وحبره جف ماشاله
يناظر سقف هالغرفه مشتت مالقاله رد=يبي تفسير عن نفسه وش اللي صار في حاله
تغير وأنقلب لونه وصار الهم ماله حد=وش أسباب الحزن مدري عساها بس تصفاله
عسى يزول الحزن عنه عسى الأفراح له تنرد=رفع كفه وهو يدعي يزول الحزن وأهواله
أشوفه في وسط غبه وضايع بين جزر ومد= وقارب رحلته يلعب مع الأمواج ماطاله
وصاح بصوته العالي ولاكن للأسف لا . . رد= سوى لاكرر ينادي صدى صوته تحلاله
تعب يلعب مع الدنيا يرخي للحبل وتشد= يحاول يضبط أعصابه ولاكن القشر فاله
حزين وحالته حاله غرابيله تلوع الكبد=بغى يرتاح لآكنه بلاه الهم بحباله
وإلي منه بغى يسلى هجوسً داخله ينشد=وهاض وردد أبياته على الأحزان مواله
