دواوين شعراء النشاما::بنت الرجال::سعود بن ماضي العطاوي
القصيده :بنت الرجال
يا مرحبا اعداد مـا هبـت النـود=واعداد ما هلت مزون ٍ هميلـه
من هاجس ٍ يقدح كما قدح بـارود=اليا قدح زنـده يشـب الفتيلـه
في حب من قرنه على المتن مرجود=صغير ٍ في وسط قلبـي مشيلـه
مكفن(ن) بيـن الحنايـا وملحـود=يزود بـي حبـه وزاد بغليلـه
الجيد ابه عقدٍ من الماس منضـود=غريبةٍ مثل الكحيـلا الاصيلـه
بنت الرجال اللي لهم شان بالجـود=يوم ٍ ولد اللاش شح بحصيلـه
قلته وحبلي مع هل الطيب ممـدود=الرزق ماهو في يديـن ٍ بخيلـه
متمكن(ن) بي حبها زاد يا سعـود=اودع بجاشي مثل حام المليلـه
والشعر له نهر(ن) وصدار وورود=وكلٍ حسب عرفه يكيل بمكيلـه
ما اقول فيه الخير والشـر معقـود=اقول عند اللي ينـش المخيلـه
