القصيده :لعــــبة كــــراســــي
فنجال دله طير النوم عني=وعن ناضر الأعيان طار العماسي
الين بيبان الضمير آفتحني=وزادت حماس افكار راسي حماسي
وفاضت علي وبدعت القاف مني=أقيسها لو كان صعبه تقاسي
لعل كل أوقاتها يسعفني=واهلها هلن بوقتن قياسي
هل السحايب كل مايرعدني=وتثبت ثبوت جبال نجد الرواسي
مأخيبت في بدع الأفكار ضني=رئيسها لو كان ماني رياسي
لبيه ياصوتن على القلب دني=حسن يميز عن جميع الحساسي
وعيونن الياء شفتهن يرمشني=زاد التماس القلب منها ألتماسي
تبرى جروحي كل مانعنسي=كنها تصبحني وكنها تماسي
عزالله أنهن ياعرب خدرني=لاسالين عنها ولانيب ناسي
وسوم المحبه فالهوى وسمني=واصبحت في كل الأمور أنعكاسي
من اسباب خلن زود العقل جني=عزالله أني منه شفت المآسي
يا أهل الهوى من يأخذ العلم مني=انا تراني فالمحبه سياسي
تعبت اشيل هموم صدري واكني=راع الهوى والحب ماله مواسي
كم قربن خلي وكم بعدني=فرقاء الحبايب صار شين اساسي
ترى دروب العشق مايرحمني=تلعب على العشاق لعبة كراسي
