القصيده :يا ماحلا المرقاد ..
احدى قصائدي واتمنى تحوز على رضاكم واعجابكم ..
يا ما حلا المرقـاد فارض(ن)خليّـه=شعبانها سالت مـن كبـار ضلعـان
في مرتعن يرخـي رقـاب الرعيّـه=بعيرها بارك مـن الفجـر شبعـان
فيها اليهق ريحـه يسابـق نصيّـه=وإيداوي اللي من هوا النفس مرضان
مع صوت صرصور(ن)تعلّا صريّـه=ياحلو صوتـه تالـي الليـل يفـلان
فارض(ن)عليها من قليـل المطيـه=المجلس المكشوف والظـل شيـران
والنـار مشبوبـه صبـاح وعشيّـه=فـي جالهـا ثلاثـة أدلال رسـلان
وإبريقها اللـي يرفـع المـا غطيّـه=وشوي عنها حامس البـن حرقـان
قرب الرجال اللي على الفعـل حيّـه=ما هيـب حيّـا الله بخاقـان باقـان
واللـي تكفّـو بالعـلـوم الوفـيّـه=ما تتركك حتيّش لو كـان مـا كـان
معك الخوي اللـي ينومـس خويّـه=الموتر اللي يحمـل إشعـار يابـان
شاص(ن) على حمل الحمول القويّـه=ما جاك مثله من قديمـات الازمـان
ياكـنْ فـي جنوبـه تقـلّاب حيّـه=رافع براسـه مـن تكبّـر وطغيـان
مـا ورّد اليابـان فالصبـر زيّــه=والمشكله غالـي وتغليـه الاثمـان
إليـا ركبتـه ثـم تناصيـت نـيّـه=يهيّـض السّـواق لا كـان زعـلان
يرقا علـى متـن العـروق العليّـه=إنكان مابه حمـل وإن كـان مليـان
حولك مجاهيم(ن) تجي حـول ميّـه=رثم الخشوم اللـي يسلّـن الاذهـان
وختامهـا سبحـان مرسـل نبـيّـه=محمد الهادي علـى خيـر الاديـان
وسلامتكم ..
باين المغيري..
