دواوين شعراء النشاما::سقوط العوالي ::مطلق بن لافي العتيبي
القصيده :سقوط العوالي
يالله يامعبـود ياخـالـق الكـون=يالواحدالفردالصــمد ذا جــلالي
يامسقى البيدى من البحر بمزون=يامصـخر الايـــام شمـس وليالي
ياخالـق الانسان من مـاء موهون=يارب عـفــوك يـوم طرح السؤالي
العمر ماله يافـتى وقت مـوزون=العمر لحـظه والمقـادير والــي
روابع الانســان بالعـمر مفتون=اول مهـاده طفــل فعـله حـلالي
مايعرف الزله ولاهــوب مسـجـون=كلـش على ماقـيـل حـاظر دلالي
واليا تعـدى سـن سته وبالهـون=هذي بدايـه والمـخـاطـر هيالي
اعـرف طريقـك والمخاليق يحكون=ان الطـريق اثنـين حدرً وعالي
خطوه بخطوه والمقادير ينـفـون=وتصير ضايع بين نقص وكمالي
بتعيش في عالم به الخير مكنون=وبتصير في عالم به الشرصالي
هذا هو الفاصـل على وين يدنون=امـا يمـيـن الـخــط والا شمالي
ان رحت فاليمنى وبالخير يبقون=هذا طـريق الحـق مـالـه بـدالي
ان جيت باليسرى تراهم ويبكون=فـقـره تسـمى بنـهـيار العـوالي
اما خسرت العـقـل وتصير مجنون=والا خسرت العمر وتصـير بـالـي
لكن نصيـحه والنصـحيه بمـليون=اعرف مسارك واغتنم كل غـالـي
حكـم فؤادك بالصـلوات والعـون=واترك طـريق الكـفر اول وتالي
الغــرب يسـعى والملايين يدرون=انـه علــى الافـسـاد وده تـوالي
احفظ كتاب الدين يحفظ من دون=يوم يضيــع القـول مالك ومالي
لكـن تعلم واجعـل العلم قانون=مـن غير دين الله حيـاتك جهالي
ان قدر الله حافــظـك دون يـدرون=وان قـــدر الله وردك للـهـيـالي
