القصيده :علمنا واحد وموقفنا شجيع
ياسلامي عد ماهب الهوى=ياجماهير الشعر واهله جميع
أبتدي بالمحتوى والمحتوى=أننا عتيبه هل الشان الرفيع
روق مع برقا على العادي سوى=علمهم واحد وموقفهم شجيع
وان سرح قاف الشعر ولا ضوى=مانسيت حزامي السد المنيع
العوالي واستوى القاف استوى=محزمي ربعي لهم خير الصنيع
قوة تقضي على كل القوى=وكل عاصي من صرامتهم يطيع
كلمة الرجال للعله دوى=وان لفاهم ضيف مايقعد مجيع
شيمة اللي للوفا كله حوى=ومن تبع له مايخاف ولا يضيع
والحضيض اللي على المجد استوى=شوره براسه وله سيف بتيع
مانوى الا الخير لا منه نوى=وان رجى يرجي من الرب السميع
ولا يناظر من على الشين التوى==يتبعه في كل شعب وكل ريع
الرطب تال الزمن جاب النوى=وضاع سيف كان يبهر باللميع
من ورد بحبال صدر وارتوى=والفلس من مقسم الراس الصديع
والأصيل لدرب جده ماغوى=والردي لو يرتقي مايستطيع
الزمن ياما كتب ياما طوى=النهايه وين يالخط السريع
وفي ختام القول رائد ماروى=غير علم صدق من صدر وسيع
