القصيده :جانا بدل فرعون مليون فرعون
هذه قصيده رد على أخي الشاعر جمال العتيبي
اللي يسوي بالخفيه محابيل=وينسج خيوط الغدر والشر بالهون
في غيبتك حد السيوف المصاقيل=وفي حضرتك باحلى السواليف ملسون
هذي دواليله ردي الدواليل=يبغى يخل الناس فاتن ومفتون
يسعى لمقدار النشاما بتقليل=لكن قدره لا احتمى الهوش حاجون
ايحط قدام المقفي عراقيل=ماله مصالح غير مقهور مغبون
خله يروح ويشرب العاص والنيل=عمر الحصيني ماحوى راسه قرون
الحر ماله عن هوى البال تحويل=قل للطيور الثانيه يستريحون
فرعون مات اللي يسوى التهاوييل=وجانا بدل فرعون مليون فرعون
ولا شك من ينزل خيار المنازيل=لازاد طيبه زادو اللي يحسدون
والعاقل اللي مايناظر جهاهيل=ولا همه الحساد مهما يقولون
والشجره اللي بالغصون المظاليل=ماهي كما اللي مالها ساس وغصون
واليا بغيت بوافي الهرج تأويل=يبقى الجبل ولا الحثايل يطيحون
ومادام حنى نوفي المد والكيل=يبطون يابن العم والله ليبطون
