لقيت كل الخلايق يعشقون الجمال=وانا عشقت الجمال اللي بلعب الزعيم
أقولها صدق يوم الصدق دايم يقال=ماشفت مثل الزعيم الان ولا قديم
هذا فريق الشدايد واحتموه الرجال=عاش الزعيم بنجومه والرئيس الحكيم
الموج الازرق ولو طال الزمن مايزال=النادي الأول اللي ماوقف له خصيم
الشامخ اللي شموخه من شموخ الجبال=اتعب طموحات خصمه لين صارت رميم
ياعاشق الفن والإبداع شوف الهلال=يبقى هلال الرياده في سمانا مقيم
خمسين وصلت بطولاته بعزم ونضال=وكم من ملايين قلب بحب الازرق يهيم
يهديكم اروع بطوله صفقو ياعيال=لو هو لجمهوره الغالي سخي وكريم
ياشمس غيبي بعد غطا عليك الهلال=يكفي لذعرك إذا قلنا وصلك الزعيم
باسباب كل الجمال اللي ولا بالخيال=احب الازرق وعشقه مستحل الصميم
