[(اسقيتها كل القصد الشوارد) ]بقلم:: [(اذا عمر في قلب نايف ماعمر غير القبر)]بقلم:: [اخر طلب ]بقلم:: [يا ليت يا وقت تصفالي.. ]بقلم:: [يا ليت يا وقت تصفالي ..]بقلم:: [سفير القلب ]بقلم:: [سفير القلب .. ]بقلم:: [يا ماحلا المرقاد .. ]بقلم:: [خفيات الاسرار]بقلم:: [حضرة جنابه]بقلم::
التسجيل الآن
ياذيب لاتاكل غذا النـاس ياذيـب=ويجي لك اقوى منك في ساع ياكلك ياذيب خلـك منسـدح فالمراقيـب=حتى ولو الجوع ينهش شواكلـك رزقك يجيك ليا كتب عالم الغيـب=اليا كتب لك رزق لابـد يوصلـك ولا المنايا ماش عنهـا مجانيـب=انته تختل الشاه والمـوت يختلـك ياذيب شف جدي بعد غطه الشيب=وصارت ملايين الدنانير لـه ملـك اقفى ومن فوقه كبـار المناصيـب=مايملك الا خام ابيض من السلـك ياذيب لو تغتال حـرش العراقيـب=تلقى من اقرانك يسـوي فعايلـك لكن جدي يمتلـك بيـرق الطيـب=واليا سمع صوتك يجي لك ويقتلك قدام يوصل لـك تهـذب تهذيـب=وان شافته عينك تراعد مفاصلـك لو جيت له بالطيب ينصاك ترحيب=أيضيفك ويقدم اللـي تبيـه الـك مير انت تاخذ غدر ماتعرف العيب=يجـزاك بالبـارود سبـة تعاملـك واليـوم ياذيبـان راع المقانيـب=اسر الليالي والعشا تو طاب الـك راح الذي حدك على الجوع ياذيـب=غربل حلال النـاس والله يغربلـك بقلم : رائد العالي
