و آحضن وسادة حلم عيني ولا آنام = و أسهر يداعب طيف رسمك جفوني
و آغرق معه في حب وأشواق وهيام = وآغفى / و مشاعر خافقي بك صحوني
وآسرح بتفكيري وأعاتبك وأنلام = لأني أنا أخترتك تداعب شجوني
يا بسمة شفاتي وألذّ امن لأحلام = يا اجمل بريق ٍ يرتسم في عيوني
تومض بك احلام الفرح والعمر دام = ملامحك ما فارقت وجه كوني
أعيش لحظاتي معك كنها اعوام = من كثر ما تملى بعقلي جنوني
سحاب (وصلك) لا عبر( قربي) وحام = أحس بمزون السعد يمطروني
جيتك وانا شربة هناءْ ماني حيام = جيتك زلال ٍ والعروق رشفوني
جيتك دفا يحضنك من برد الأيام = ونهر ٍ عذب ما عمر غيرك رووني
طلع (ن) على غيرك نبت مؤذي وسامْ = ولعيونك ازهر (شمّني ) يا فتوني
ثغر (ن) ومن سيرتك استعذب وهام = من كثر ذكرك .. لين ما ضيعوني
وانا أحبك امس واليوم والعام = وباكر على ماهو بموجب ظنوني
بيجن بك عقل التي قلبها شام = عن كل من قالوا لي قبلك يبوني
ياللي أحبك حب ماله عدد تام = واعدّ بك اجمل قصيد ولحوني
و أعزف على شانك تراتيل وانغام = و آشدوا بها وكل البشر يسمعوني
و اوعدك من هاللحظه اليييين قدام = ابقى معك مادامهم يحتروني
مشاعرك و أعضاء جسمك ولعظام = ياللي حلالك كل مافي حصوني
تعال هالليلة بضمك وابآنام = وان شفتني روّحت قبّل جفوني
