أنا من كثر ما احبك أحس إنك معي دايم = مثل قلبي وسط جوفي .. ودم (ن) داخل عروقي
تِزاحم كل اجزائي .. كما جو ٍ غدى غايم = وتمطر بالغلا فيني و تروي يابس عذوقي
أحسك بحر (ن) وكلي غدى في عاتيك عايم = و احسك نار ٍ و جلدي تلذذ مِنّك حروقي
و اشوفك حلم طاهر مايبي الا جفني النايم = و أنا لامن رأيته ما أبي صبحي يجي موقي
و أعيشك فرحة ٍ كُبرى ..عجز لا ينوشها رايم = شفاتي منّها دايم تباهى بك يا معشوقي
يا أصدق حب يسكنّي .. غلا ماله ابد سايم = يا عشق (ن) صار يكسيني من الأسفل إلى فوقي
يا اعذب من زلال الما إذا يروي عطش صايم = واغلى من عرف يشعل لخاطر شوفته شوقي
يا حُب (ن) من كبر حجمه عجز لا ينقده لايم = يا اجمل اختياراتي يا قمّة روعتي فـ / ذوقي
تعال اعلمّك وشلون هالخفّاق بك هايم = وكيف أغرق بأشواقي و وصلك منقذي و طوقي
تعال وشوف وش سوّى هواك بقلبي الشايم = عن جموع البشر / لكن معك اصبح سبب عوقي
تعال وشف معك حظي يا شعلة دنيتي قايم = وشوف شلون تتحالى بذكرك أبسط طروقي
يا اكبر اُمنية تطري على بالي وتتلايم = وسط صدري و اضمّرها / تِباعاً لأبسط حقوقي
يا حر (ن) في مساحات الغرام الأولّي حايم = يا بزغة ضو لامنها بدت يبدى بها شروقي
يا نور (ن) لو غدى عتم البهيم بحلكته خايم = ما يطمس ضي إشعاعه .. وهو يتوشح فتوقي
يكفّي إني رغم بُعدك أحس إنك معي دايم = وطيفك كل ما ازعل يجي ويقول لي (روقي )
