القصيده :غدرت بي ركابك ..
جيتك وكلي ايتحرى عتابك = جيتك حضن ماضمّته غير الأحزان
مهموم صدره والسبب هو (غيابك ) = يوم إن طيفك في دجى الليل مابان
جيتك وأنا ادرى مالي إلا عذابك = جيتك تعاتب لوّ ماني بغلطان
جيتك ذليل (ن) منكسر عند بابك = مغرم بحبك منفتن فيك منهان
وماهانه إلا حب حضرة جنابك = يوم إن قلبه يرتجي عطف وإحسان
وأنته جفيته يوم غرّك شبابك = تحسب بإن الحب بلاّ حكي لسان
معذور ماعذبك كثر انتحابك = ماجار بك وقتك على قلبك وشان
ماقد فقدت من الوله لي صوابك = ماجاس عقلك من تغيّابي جنان
ماثار فكرك بالخيال وغدى بك = يمي ) وعدت بدون وصلي بخذلان
مايوم شوقك صوب قلبي زهى بك = مااحتجت ترواني وعوّدت ضميان
أبعدت عني وغدرت بي ركابك = ساقتك قلبن قاسي (ن) مابعد لان
ومع كل هذا جيت أطلب عتابك = يمكنّ من صوبي حصل يوم نقصان
