مدري كذا راح أبتدي بس من وين = يافكري الضايع متى بـس بتعـود
بنخاك جعلك لـي تجمّـل ببيتيـن = وتكفى طلبتك كان بتزود بـه زود
لن الحروف أحيان ماتترس العيـن = وبعض الكلام إن زاد مامنه منقود
خصه ليا منه ذكـر نـاس غاليـن = اللي لهم درب ٍ على الغير مسدود
واللي ليا غابـوا تغيـب العناويـن = ويهيج مزن الكون ببروق ورعـود
وإن جاو تمطر غيمة الشوق عامين = وياكود تروي عروق لمحب ياكود
محبـة مـن الله عليهـا براهيـن = والشاهد الله وكل خلق الله شهـود
إن لك ياخيي في خفوقي مكاميـن = يظفر بها راع الوفا مطمع الجـود
اللي مثل شرواك بالطيب والليـن = واللي على النوماس له سلم وعهود
عساه يفدونـك عيـال السلاطيـن = وإلا الردي من دون ماعد معـدود
