القصيده :فدوهـ لطلاّبها ..
غبت وضاق الكون فيني ..بس مالي إلا الصبر = يابعـد عيـن (ن) تسـرب حبّـك لأهدابهـا
شفت كيف إني آتحمل فـي بعـادك كـل مُـر = شفتني وش قـد أعانـي غيبتـك وأسبابهـا
قلت لي بكره مسافر وأنت فـي درب السفـر = تـدري أطيافـك ياخلـي ماأطيـق غيابـهـا
رغم ذلك كنت أدعي ياعسـى دربـك يُسـر = ياعسـى ترجـع لديـره أنـت كـل أحبابهـا
ماذبحني فـي بعـادك يالغـلا كـود \"العـذر\" = من تحبـك مـن غلاتـك زاد فيـك عتابهـا
خذ عيوني لـو تبيهـا جعلهـا ماهـي قْـدر = لوّها ماهي بـرخيصـة ((فـدوه لطلاّبهـا ))
النظر وش حاجتي به دامك \"أنته\" لـي نظـر = والخيـام اللـي تشيّـد دون ركـز أطنابهـا
المراح أبها مصيبـة.. والغفـا فيهـا خَطِـرْ = والمرور ابهـا مُضّـر لـن الأمـن مانابهـا
ماحصل يانور كونـي عنـد بـادىء الأمـر = خربشة حِبر القصايد مـع قلـم مـن جابهـا
لـن قـدرك لاذكـرتـه مايوفـيـه الفـكـر = تعجز رجال (ن) بكسبه لـو تطـول أشنابهـا
يابعـد كـل القوافـي لـو تقـلّـد بـالـدُرر = ويابعد كل الفعول اللـي (قِصُـورهـ) عابهـا
يابعد كـل الأراضـي اللـي يغطيهـا الطُهـر = ويابعد كل مـن تغطـت وألزمـت محرابهـا
بالسلامـه جيتنـي ياجعـل هالصحـه دهـر = يارجاء نفس (ن) تحسك أنـت كـل أقرابهـا
