القصيده :شف كيف بأسبابك ..
الله يمحق حاجتي لك وضعفي = ويهدي شموخ (ن) عند شخصك عصاني
. = .
وراس (ن) يشوم عن ينحني فـ / بعد مقفي = وطبع (ن) جموح (ن) في غرامك جفاني
. = .
وهيبة تعلّت كل اسمي وحرفي = وغرور زامن ما إلهي عطاني
. = .
بالله كل مافات ماهوب مكفي = هو غرّك إنك ساكن (ن) هالمحاني
. = .
ياللي عليك الروح م الشوق تحفي = شف كيف بأسبابك لعب بي زماني
. = .
مدري متى نار التوجّاد تطفي = وجمر الشقا يوقد لهيب الثواني
. = .
حتى الزمن في غيبتك صار مجفي = ويملّني من أنتظارك مكاني
. = .
أحيان أقول إنك من الذنب معفي = لكن وربي إنك بذنبي مُداني
. = .
ماعمر جوّك صوبي بيوم يصفي = ولا قد توجّدت لخيالك وجاني
. = .
حتى الحنان اللي بطرياك يضفي = ماعدت أحسه من جروحك حناني
. = .
ماقلت لك عطني ولو ربع عطفي = أبغى ترد الدين ( ماهو عشاني )
. = .
دينك سهر جفن (ن) عجز منك يغفي = يسهرك قلبن بين الأضلاع حاني
. = .
قلب (ن) جريح (ن) والعطب فيه مخفي = ينزف وطبّه عند واحد أناني
. = .
ما ليّنه صوت أنكساري وضعفي = ولا همّه أن الدمع لجله عصاني
