القصيده :مطار المنطقه الشرقيه
ياصديقـي يامطـار المنطقـه الشرقيـه=كل ماضاقت عليـه جيـت يمـك عانـي
فزعتك ماهي مثل فزعـات حظـي ليـه=فزعةٍ تروي ظمـاي وتطـرد الاحزانـي
وش بلاك تخونني( فالعطلـه الصيفيـه)=اثر لاكثروا عليك اهـل السفـر تنسانـي
جيت في صالتـك ادور رحلـةٍ( دوليـه)=قلت ماعندي ولو رحله على (السوداني )
ثم رجعت البال شين وخربـت النفسيـه=واركب الموتر واشغل وانحـر الصمانـي
ما انتبهت لنفسي الا مـن ورى (دبيـه)=الله اكبر في سموم القيـظ وش ودانـي
كيف تحداني اطاول خط (ابـو حدريـه)=وكيف ترضى صاحبك يمشي وهو زعلاني
بس صبرك مابقى حاجه على (الشتويـه)=والله لبـكـره تـدورنـي ولا تلقـانـي
يقعد (اسطولك)يـدوج مامعـه (عبريـه)=العـرب وقـت البـراد تـدور البرانـي
القصيده ارتجـال وجـت كـذا عفويـه=وانت ماتفهم قصيدي مير صـح لسانـي
