القصيده :الـــصـــدفــــــه
الصدفه اللي جابتك يالغلا لي = بعد اربع سنينن مضت في ضياعي
اربع مضت مانيب ميت ولا حي=ومركب غرامي ماعليها شراعي
من يوم جيتيني وانا بخاطري شي = اقسم قسم انه غريب اندفاعي
جيتي سحابه تمطر الود والغي=ونفحت ورودن ماشذها صناعي
وانا زماني كاوين ضامري كي=وفي وجهي مسكر جميع المساعي
عطشان مثل اللي يبي شربة المي = جوعان جوع اهل القلوب الجياعي
حاجه غريبه !!! لاغربيه ولاشي = هذي ملامح فرحتي وانطباعي
اخذي كلام اللي طواه الهوى طي =ماهو كلام اهل الحيل والخداعي
تعالي اخذيني من الشمس للفي =وخليني انسابك سنين الضياعي
