القصيده :جـــت تــفــلــســف
جت تفلسف بالكلام وقبـل تبـدأ سالفتهـا=ارفع اعيونى واطالع للحـلا منهـا وفيهـا
غرةً لـو عانقـت سـود الليالـى نورتهـا=نورها نور مدينتها ونورساكينيهـا
وقذلةً لامن تمادت فـوق غرتهـا ارفعتهـا=ودى ارفعها بيدينى بـس تسبقنـى يديهـا
والعيون ان سلهمـت يانعنبوهـا سلهمتهـا=تسدل أطوال الرموش اللى تلامس وجنتيهـا
والشفايف مثل لون التووووت واللؤلؤ تحتها=وبسمةً من شافها يمكن يمـوت ولا نسيهـا
والحكى معسول والكلمه حرام اليا انطقتهـا=ودى اقول ارجعى عشرين مـره وانطقيهـا
جايبه بعض السوالف والسوالـف جايبتهـا=ليلـةً جتنـى وانـا والله مانـى محتريهـا
جاتنى معها سوالف والدقايق مـا اسعفتهـا=نعنبوها من دقايق قصرت حسبـى عليهـا
راحت وباقـى سوالفهـا معـى ماكملتهـا=ياعسى ربـى يسامحهـا ويرحـم والديهـا
واتركتنى بس افكر دون ماعـرف سالفتهـا=الوكاد انى ابـى اسمـع سوالفهـا وابيهـا
