القصيده :فوح قلبي بالضماير فوح دله
والله اني كنت سالي ماعرفـت الحـب كلـه=الهوى ماكنت اعرفه دالهن فكـري وسالـي
لين شفت ام العيون اللـي هوادبهـا مظلـه=واشغلت قلبي معاها وانشغل فكـري وبالـي
صادفتني وسط سوق وجيتـي للسـوق زلـه=قلت انا يابنت قالـت ياولـد مالـك ومالـي
قلت انا مالـي ومالـك مستحيـل يصيـر لله=قالـت الا ياحلالـي قـلـت لالا ياحـلالـي
قالت الله وين جابك صرت لي فالـدرب علـه=قلت يعني شلون قالت روح دور لـك بدالـي
واعقبتني مشيها مابيـن امـان وبيـن ذلـه=وروحت وأيست منها مامعـي فيهـا مجالـي
من بعدها فوح قلبي بالضمايـر فـوح دلـه=ووجد حالي كل ماتطري عليـه وجـد حالـي
وجد حالي وجد رجلـن مـا تدانـى للمذلـه=عايشن عمره عزيز ومع صناديـد الرجالـي
احذفوه بسجنن اقشـر كـل شرطيـن يتلـه=مقيدينـه بالحديـد وكاتفيـنـه بالغـلالـي
لوطلب لو شربة الما راجعـوا دفتـر سجلـه=هل سمح له يشرب الما..؟؟ اوتوه لايزالي..؟؟
ووجد حالي وجد عودن خـاب ظنـه فولدلـه=هو شريدة مابقـى لـه لا بنـات ولا عيالـي
احذفه وسط الرعايه لين دمـع العـود هلـه=عود شايب طول عمره مالقى عطف ودلالـي
ووجد حالي وجد منهو من ورى دارن مزلـه=وتعطـل موتـره مابيـن كثبـان الرمـالـي
فـي خليـن أصرميـه مابهـا المخلـوق لله=من حرى تسعين كيلو كلهـا والقـاع خالـي
الضحى والوقت قيض وصار رمل القاع ملـه=وعقب ماأيس من حياته قال ياوجدي لحالـي
قالها قلبن شقـاوي والليالـي ماصفـن لـه=وجد حالـي كـل ماغنيتهـا ياوجـد حال
