القصيده :هب نسناس الهبايب من شمال
هب نسناس الهبايب من شمال=وحرك الهاجوس فالقلب العليل
للسهر ميعاد فعيون الرجـال=دبرة الله تسهرالليل الطويـل
والله اني شلت حملن مايشال=واتعبتني شيلة الحمل الثقيـل
وجد حالي من عنا سود الليال=والله انه مابقى فالحيل حيـل
ياذوات الحسن ااايات الجمـال=مابقى للحب في قلبـي مقيـل
الزمن للعشق ماخـلا مجـال=لاتطالع في يالطرف الكحيـل
.التجارب في زمنا راس مـال=معرفه والوقت مابه مستحيـل
والحقايق ماتغطيهـا الجبـال=وقالو الما مايغطيه (النثيـل)
الكرام تجود وتهيـن الريـال=ولايقدر غير في يدين البخيـل
وانت ياللي عندك علوم طوال=لاتسولف كان ماعندك دليـل
البروق نشوفها وسط الخيـال=والحقيقة فالوطا ماسال سيـل
والدلال تفوح يـاراع الـدلال=والقناد الهيـل ولا الزنجبيـل
والاجابه خلهـا قـد السـؤال=وعن كثير الهرج يكفيك القليل
