دواوين شعراء النشاما::موحـد قطـر ::فايح بن فيحان الغويري
القصيده :موحـد قطـر
يقول الغواري والغواري ليا من قال= حروفه يبي يطرب لها قاصي وداني
بذكر الله ابدا القول قبل ابدع الامثال= له الشكر والمنّـه على كل مـاعطاني
دعيت الفكر واجابني بارقٍ بخيـآل= وهلّت عليّه مثل وبّال الامزاني
نقدها مثل ماينقد المال للدلال= وكان المخافه ساعة الحسم يعصاني
وبديت الطريق اللي يشرّف بطيب الفال =على سيرة الابطال ويترجم لساني
زحول الرجال اللي لهم فالعلا مدهال= ليا ثارت الهيّـه . شقى كل قوماني
عزومٍ بقوتها تحقق جميع محـآل= على سلّّم المجد اولـه ماتبي ثـآنـي
مع الشيخ جاسم حاسم الوضع دون جدال= قوي العزوم الصارم مكرّم العاني
حليم وحكيم وشاعر وصيرمي خيّال= وزيزوم قوم وشهم مع زود الايماني
جحيم المعادي. ماتزعزع من الاهوال= وبتّار ايادي كل طامع بشـآمـآني
موحد قطر . عن طاغيٍ وظالم ومحتال=حدى عن ثراها الترك ويّا البريطاني
وتشهد له الوجبـه . بها لطمـة العيّـآل= بها كسرجندٍ زايره بامر سلطـآني
لـ حامي حماها وأحتمى الوضع صال وجال=معه من حمايلها شيوخٍ وفرساني
تبي اذلال راسٍ مانحنا لـ أحـدن باذلال = سوى الواحد القهـّار خلّاق الانساني
عساه بجنان الخلد مع معشر الابطال= صحابة نبيٍ يعربي نسل عدناني
وعسى يدوٍم عزك ياقطر في ذرى واظلال=أمير البلاد اللي حفظها بالاعياني
شبح بالنظر يالين حقق لها الامـآل= وقـدّم مـراتبـهـآ على كـل ميـداني
حمـد راعـي الفزعـه حمـد عآدل المكيـآل= حمد مرويٍ بالطيب من كان عطشاني
ليامالت عزوم البشر صامدٍ مامال= لجسر المحبـه مع قلـوب العرب باني
وصلّى الله وبارك عدد قايلٍ ماقال = على الهادي المبعوث من نسل عدناني
فـآيح بن فيحـآن بن صنهـآت العتيبي
