القصيده :مـــوجـــة الإحـــلام
يا موجةِ الاحلام ليش الفكر إلك عابر سبيل=ليش الغلط ياخذ مكان الصح ويضّيع النجاح
ليش الدموع الزرق تنزل من على الخد وتسيل=وليش النفوس اليوم ما تقبل عتاب ولا مزاح
وشهو حصيل التجربه من واقع المر الاصيل=وشهي نتيجة غرفة الانعاش من بعد الصياح
وشهو سبب سود الليالي في عيون أم القتيل=لون بعض أحيان طعم الحزن شيً مستباح
يا موجةِ الاحلام ليش المكحله تحتاج ميل=والقافله تمشي ولا تهتم في كثر النباح
هذا زمان العولمه والعولمه فكرً دخيل=صار الهماج أحلا وإلذ الطعم من طعم القراح
المال ما عز النفوس اللي يغذيها البخيل= لو انها تارد على الجمه وتشرب من قراح
لو أنها فعيون بعض الناس شيً مستحيل=ما هاجت الهيجا ولا عشنا على صوت السلاح
واللي يبرد لقمته ما بين صبح وبين ليل=ما ذاقها خايف يجيه الموت والسم الذحاح
المرجله تبغي ولد والمعرفه تبغي عميل=والضايعه ما تنبغا زادت مع الهم الجراح
يا وقت أنا مالي عذر من واقعي شفت الهزيل=وشفت المعاني تنتخي بالطير مكسور الجناح
يا وقت أنا ما جيت أغير في مفاهيم الخليل=جيتك ولا أدري ليش جيت الا بعد صار إجتياح
مدري ذكي والا غبي والا مع اهمومي إميل=ويافكرتي من وقتي اللي كل شيً به مباح
ما أخترت أكون الشاعر اللي يكتب الهم وذليل=أخترت أكون إلك الورق لا بانت خيوط الصباح
لن الورق همه على هم المشاعر والدليل=يطوي ملفات العذاب ويفتح أبواب السماح
وتعبت حرفي فالورق اطرد وراء الحلم الجميل=و صغت المعاني لجل اشوف النور في صدر الكفاح
على رضاء الذائقه أسعى وأنا ماني هبيل=وأن كانها ضاعت عساها في مهبك يالرياح
وأن مات بي ِ شعري يموت بعز وشموخ النخيل=لن الشعر حكمه وأدب في نظرت العاقل وشاح
يا موجة الاحلام شكرً زبدة الهرج القليل=هذي هواجيس الفكر والحبر ما يوم أستراح
