القصيده :مدح في محمد بن زايد الخيارين
بديت باسم اللي رفع راية الدين=مرسل علينـآ المصطفى بالفضايل
سبحـآن عـادل مايلات المـوازين=وكـلً عـدا وجـهه بلا شك زايل
جـبـار.عـالـي. وحده يـعـز ويهين=ولـيـا ومـر مـا لـلأوادم بـدايـل
بـعــزته عـز الرجـال العـزيـزيـن=اللي تطول عزومهم كل طآيل
وبآمره على دربً نويناه ماشين=وبـامـره جمعـنا بطيبين الفعايل
واليوم صار الوضع مافيه تخمين=وجب عليه بدع جزل المثايل
في مدح ابن زايد ومدح الخيارين=ومدح الهواجر كاسبين الجمايل
الـصـاملين الـصـارمين السلاطين=الـطـيبين وكـاملـين الـخصـايـل
تـاريخـهم من عـام الاول وذلحين=مـايـنتظـر تبيـيـن راوي وقـايـل
معـروف عـنـد الـطيبين المياميـن=مـاجـا لـهـم باقـوال جا بالدلايل
لاجـا نهـارً بـه تُــدك الـميـاديـن=وقامت جموع حشود الاعدا تهايل
دكوا بسطوتهم جموع المعادين=من فـوق قـبـات المهار الاصـايل
ويسدهم لاجا نهار الضحى الشين=شيخن تفاخر به جميع القبايل
محمـد ولـد زايـد ليـا حــدٌك الـبيـن=حلال عسرات الامور الثقـايل
نسـل الـحـرار الـطيبين الـكـريمين=دواس غبات الخطر والهوايل
الـحسـم. لامنه غـدى القـول قولين=العـزم لاشفت الـعـزوم أتمايل
في ظل ابو مشعل على العسر واللين=الاول اليا كان فالطيب اوايل
جعل قطر دوحة رياض وبساتين=ورسّى الامن مابين شتى الفصايل
يمناه غيـثً للضعـوف المساكين=ويـسـراه قبضتهـا شقـى كـل عـايل
والطيب فالطّيٍبْ تقول العرب دين=والله يـقـدرنـا بـرد الـجـمـايـل
وصلى الله وبارك بختـم النبيين=محمـد رسـولـه عـد ماقـال قـايل
الشـآعر : فـآيح بن فيحـآن بن صنهـآت الغويري العتيبي
