القصيده :... قصـــــة الشـــآآآآيــــب ...
الشـــايب اللـــي فــارقـــت عينه النـوم=عـيـا يجــيــه الـنـوم فــي كــــل الاوقـات
لاقلت بشــرني عــن احــوالك الــيــوم=يقــول حــال اللــي علـــيه الــزمـن فـات
غديـــت مثل اللــي من الـــداب مسـوم=سـمه لـجـى بـيـــن العـروق السخيــفات
تســـاق بــي دراجـتــي تقــل منجــوم=مـن عقــب مالي في خلا البـيد ســـجات
خلوني اجلـــس بـاقي العـمـر مااقــوم=مـا بـاقـيــلي فـالـعــمــر كثــر مــافــات
ما يـلحـق الرجلــيـن فـلـي بـقى لــــوم=ولافـادفـالــرجـلـــين طـب الخـواجـات
يامـا قطــعنا فوقـهــــن ديــرة القـــــوم=ويـامــا رقـنـبي فــــوق روس المنيفـات
ويامـــــا سرنّـبي ليلــــة مابها نجــــوم=وكـم ليـلة ٍ شالـــن حـــمـولـن ثقـيـــلات
يوم المراجـــــل دونهـا يقصر الحـــوم=مـن دونهـا روس الـسـباع المـجـيـعـات
يشهد لهن في حامــــي القــيـض سلـوم=لاشـــدو حـــبـال الســواني لـــــذروات
العـيـن مـاذاقـــــت لــيا وردت الــنــوم=مـن الغيـــوب لطلعت الشمس خذ هات
اليا اقـبـلت سـود ٍ تقــــــل ناشي غــيوم=ولابــركــت تشــــبه جـبـال الســروات
ماجات حـب يـديـن ومتون وخشــــوم=يـامـا وردنـا دونـــها حـوض الامــوات
نمـشي بها درب الحـيا صيـف ووسوم=شــرق الحــفـر والا شـمـال القـريــــات
ولا رد عـنهـا اللي مـن المـال مـحروم=نـبا العـوض مـن رب سـبـع السمــوات
والـيا نـزلـنـــا نعـتـلي راس مـزمـــوم-حـتـى الضـيـوف تـشاهد البيت لاجــات
والجار معـنا لو قسى الوقت محــشـوم=لـوهـو من اقـصى القـوم ينسى القرابات
وخــويـنا عن شــدة الـطــرق مخــدوم=تـهـابـه اعــدانا سنـيـــن ٍ طـــويــــــلات
حنـا الجـشوش اهل الـوفـا والنقى دوم=سلــم ٍ مــع الحيـيـن من ورث الأمــوات
ماضي بلا حاضر مثل بيـــت مهـدوم=وحاضـر بلا مـاضي خيـال وحـيــالات
هــذاك وقـت ٍ غيـر قبل امـس واليــوم=وقـت الشـدآيـد غـير وقــت الشــهــادات
الـيـوم وقـت الـنـوم والـرزق مـقـسـوم=يـبي الـشـكـر يـا مـتـابـعـيـن الـقـنــاوات
واخير لاصليـت واجهــدت فــالصــوم=وقضـيت فرضــــك يوم وقــفة عرفـات
