القصيده :يـازيـــــــن ..
يــازيـــن سـجـــات القــدم بـعـد الأمـطـار=فـــي ديـــرة ٍ تــوه يــجــهــجه مـــطـــرها
يازيــن ممشى في الصحاري عــن القــار=فــي فيــضة ٍ غطــى الزبــيدي حجـــــرها
يـــازيـــن ذود ٍ مــــقنــوي جــل وابــكــار=مــن ضـاق بــاله فـي المــديـــنه نحــــرها
يازيـــن فــــي ليــل الشتـاء شبـــت النـــار=فـــي لــيـلة ٍ تــــــوه تـجــلـــى قــمــرهــــا
يازيــن فنــجـال ٍ طـعـــم بــــن ّ وبــهــــار=مــن دلــة ٍ تـــوّ الــــســنــافــي حكــرهــــا
يــازيـــن لاجـــالك مـــع الـنـــاس مقـــدار=والـمـشكلــه لاجـيــت كــل ٍ قـــصـرهــــــا
يــــازيــن لا جــالــك مــن الــربـــع زوار=فــي جــلــسة ٍ مـحـد ٍ يــمــر وهــجــرهـــا
يازيـن جـلــسة شـايـب ٍ يـروي الأخـــبــار=واخــذت مــن زيــن الســوالــف ثـمــــرها
يـــازيــن حــزة سـجــت الجــار للـــجــار=والســـالـفــه لاجــات جـابـــو مـــهــــرهـا
يازيــــن لاجــرك مـــع الـشــوق مـســـيار=يــــم الــديــار اللــي يـهـمــك خــبــرهـــــا
يــــازيــــن لاقـالــوا لـك البــنـــك مــليــار=والــزود حـــول للـمــسـاجـــد عـــمـرهـــا
يــــازيـن حـظ اللــي تهـــجـد بالأسحــــار=والنـعــمـة الّـي عــاش فـيـهـا شــكـرهــــا
يازيــن معــك اللــي تبــي فـــوق فكـســار=ام الــعــيـــون اللــي زهــاهــا حـــورهــــا
لاذعـــــذع النــســنــاس جـــــر ٍ الأوتـــار=قـــام يتــفهـــق عــن نـحــرهـا شـعــرهـــا
ذي منـــوتــي ومنــاة وافــيــــن الأشبــــار=والــروح مــاتعــرف سبــايــــب قــدرهـــا
