القصيده :والسبآع الجايعـه في غيرها تلقـى عشآها ..!!!
ياحلو شوف البيوت اللي ورى ذيك الزراجـه=يـوم مديت النظر يزمي على البيدا قراها
شوفها شوف الكريم اللي قبل يضحك حجاجه=لظـيوف ظلال ويذّري عن النسري ذراها
ذي بيوت اهل الجزيره قبل عولمت الخواجه=قزها نار الحطب وسراجها نجم بسماها
زادهم لضيف ذبح الحيل ماحطوا دجاجه=كيفهم بن اليمن ومن المزون الغر ماها
من يجيله في فياض الصم ماعكر مزاجه=في فياض وقتها اللي فات هي مرتع ضباها
ودي بشوفه ولو مالي بذاك البيت حاجه=ودي امشي في فياض ٍ عشبها غطى حصاها
يتياسر ويتيامـن ويـتفـرق ويـتواجـه=كل ماذعذع نسيم وكل ما يمطر سماها
ديرة شيوخ العرب يوم الزمن فيه ارتجاجه=والسباع الجايعه في غيرها تلقى عشاها
