القصيده :.. قحـــطــــــآآن ..
بســــم من نـزل التــوراة والأنجيــل والـقــــرآن=وقال امــة محمد خير امـــه اخـرجت للنــــاس
سـلام الله عليكم قبل اغـني وابدع القيـفان=واحضرّ من بنات الفكر واكتبهن على قرطـاس
واباخـوض البحــور العايمه واطـــــلع المرجـان=وابنظـمها مع اللـولو واحليـها بـعقد المــــاس
واقـدمها لبـو متعب نيابه عن هــــل اوثيــلان=هديه ماتقدم غيــر للي يكســــب النومــــاس
هلابك ياصبي قحطان ترحيـبة بني قحطــان=تـراحيب ٍ كما ريح النفـل لاذعـذع النسنــــاس
هــلابك كثر ماتذكر فعـــايل ذيب ابن هـــدلان=وهـلابك كثر ماتذكر مع العــالم فـعول ادبــاس
تسابقنـي بيوت الشـعر لاغنيت في قحطــان=لا مني ذكـرت فـعـول منـهـم يـرفــعون الــراس
قبيـله شيخها مثـل المهادي ريــف للـجيـران=شيوخ ً كلها مثــــل الأســود وهـدت القرنــاس
تحيه من مطيري لقحطــــان اهل القــــنا والشـــان=عيـال الشايب اللي خصمهم في المعركه ينداس
وبعدها يا ابـــومتعب لاتقصــر والهــدف نيشــــان=تـرى راع الكـــرم دايم و وجــــاره يحرق المحمــــاس
وافــعال الطيبــــين تبــين في الشبــان والشيــــبان=يقولون البــدو درب الحيـا مع جــــرة العـسـاس
ابــي منـك العــــدالــه والعدالــه كــفّت الميـــــزان=ماتـاخــذ حق تعطي حـق والدنـيا لها مقيـاس
ومعك المجلس اللــي نفتـــخر فيهم علــى الميــدان=رجـال العلم والتوحــيـد و لنا فـالـدجـا نبـراس
رجـال مـا تراعـي في الـحقـوق فـلان و إلا فـلان=وخـوف الله يـبعد عنهم الوسواس والـخنـاس
ترى بعـد المـسافه خلت اللي فـالرجـا يتمـان=يضــيع الحق و دروب الرجا سكر عليها اليـاس
وحنـا في حكم راع الوفــا ومخلــصّ الديـــّـان=ابو متعب عسى عمره طويل ولايـجيه البـــاس
ذرى شبه الجزيره والعضيد اللي معه سلطان=غلاهم في قلوب اهل الجـزيره والشعور احساس
بعد ذي اسمحولي والمكاسب طاعة الرحمن=وصلاة الله على اللي فالمواقف هو شفيع الناس
