القصيده :حيـ روسـ الجنـ عالينـ المقامـ
يامراحب ياهلا باللي لفون=حي روس الجن عالين المقام
ياهلا باللي لفوني يسألون=من تكون وقلت متضايق وهام
جيت أدور فالطويلات السكون=وأعترضتولي وأنا راعي سلام
والجنون جنون وجنوني فنون=والفنون لحون ولحوني سقام
والسقام إن دام فعلاجه يكون=كيةً مني على راس الغلام
أيه شاعر وأجعل من الحرف كون=وأنضم أمن الكون عقدً مايسام
ياجنون الأرض قري ياجنون=شاعرً مثلي على الدنيا حزام
ماعليه لوعليه تزعلون=ولوتدك الأرض من تحتي همام
أجمعولي قد مـ .أنتم تقدرون=وبلغوني لاجمعتوهم تمام
وأكتبولي خط بأوراق الغصون=بحبر نادر والقلم ريش الحمام
وأرسلوها مع وسيعات العيون=ولالفتني جيتكم سلة حسام
مثل برقً لاسطع وأنتم ترون=كنه بكبد السماء شق الغمام
ثم تهامت بالمطر صدق المزون=وأنتحى سيله عليكم وأستقام
جيت أغني وغصب عنكم تسمعون=ولاسمعتوني فقولو ياسلام
ورددو خلفي جزيلات اللحون=والعبو دام القمر زاح الظلام
وأضربو طبل الهوى حتي يجون=ثم يزين اللعب ويطيب الكلام
