دنياك هذي فانيه يجيـــــلها يــــــوم وتزول =من اسمها دنيا ترى يا صاحبي لا تخــدعك
لا لا يغرك زيفها يا صـــــاحبي يا بن الاصول =لوهي اضحكت لك انتبه عن صاحبك لا تمنعك !
ايه انتبه؟..ايه انتبه؟.. ايه انتبهلي وش بقول! =يبقى الغلا مابيــننا رهن لأشــــارة اصبعك!!
انت تعرف معزتك ماتقبل انصـــــاف الحلول !!=اما تلبي للنـــــــــــــدا والا تســكر مسمعك !!
خل نفترض انك كذا ! خل نفترض انك زعول!!؟=ترضى يهون المنتدى !!اللي رفعـك وشجعك!!؟
خل نفترض ..خل نفترض ..خل نفترض انك خجول!!=عندي أمل يوم نلتقي مع الحبايب نجمعك
ترا الزعل ما يحتمل وانت اللي (حامل ومحمول)!=وش اللي جابك للزعل ترى الزعل ما ينفــــعك!
اللي يحاول يجرحك لا ما هو صاحي ومهبول!!؟=من يجرح الشبل الاسد؟ والجن الازرق يتبعك!
قول الذي في خاطرك وفقع مرارة العذول!!؟= وخلك سياسي يا ولد وانا السلاح فموقعك!
والمرابع مثل الغلا.. فكل الروابي و الفصـــول=,ترا المرابع لك دوى.. ان كان جرحك يوجعك!
لا لا يهمك غيضهم شف المعاني وش تقول!=.هذي الحروف وقلتها يالله عساها تقنعك!
وبختامها ياصاحبي يالله عسى عمرك يطول=مهما تروح وتبتعد...!!ترد يوم لمــــرجعك
ان كان ودّك تقترب ترا انا طبعي القبول=وان كان ودك تبتعد يا صاحي الله معك!
