يابنت ياللي ماتبيني على الدين!=الدين فيني ماتعدى طباعي
و(القلب) لا ماهو مثل ماتقولين!=(قلبي) انا ابيض من حليب المراعي
ماني مثيلك يحمل( القلب) اثنين=(قلبك) اعرفه مثل نقل الجماعي!
كنت احسب انك من عنا (القلب) تبكين!!=وثاري (قلبك).. كان (قلب )اصطناعي!!
شوفي واظنك لا ابد ما تشوفين!=مقسوم (قلبي) من هواكي رباعي!
(1)(القلب )الايمن يحمل الحبّ واللين=(2)و(القلب) الايسر يشتكيلك ضياعي
(3)والبطن الايمن ياهو لك فيه بيتين!=كل بيت منهم للعشاشيق ذاعي
(4)والبطن الايسر مستوي لين ذالحين=ماغير يدعي ياهوى (القلب )راعي
لاشك انك يا رجى (القلب) تدرين=تدرين باللي داخل( القلب) راعي!!
راعي راعي يابعد( قلب) مسكين!=راعي (قلوبن) من سببها صداعي
واليا اصّريتي على البعد بعدين!=(قلبي) خلقه الله مرابع وداعي
روحي فمان الله وغيرك ملايين=(قلبي) تعود يشرب المر.. واعي
او قولي عني اللي ودك تقولين=(قلبي)( بقلبي) لو تسبه يراعي
لا والنهايه لازم انك تعرفين=(قلبي) انا ابيض من حليب المراعي
