القصيده :حكايـة حبـك الدافـي
.=.
وينك غايبه شمسك بعد كانت صباح وليل=من بعادك بغيت أنسى حكاية حبك الدافي
زرعت من الوفا زهرة سقاها في هوانا سيل=وطيت أشواك في دربك عنيت أمشي وأنا حافي
بكيت وماقدرت أصبر على هم غدا سجيل=جرحت الجرح لجل انه بدا ينظم على قافي
بديت أحلم وكل أحلام خلق الله تبي تأويل=دخيل عيونك السودا ترى اللي صابني كافي
كتبت الشعر فغيابك بصفحات الألم والويل=وسال من القلم حبره بقايا دمعي الوافي
تخيل فجأة عالطاير رسالة توصل الإيميل=واناظر صفحته -عيني- ألاقي هالمسج لافي
(( ألا ياروحي ياعمري ترا قلبي نزف بالحيل=أخاف يموت فـ بعادك رجاءي بالوعد تافي ))
تخيل لو تجي عندي وأشوفك داخل الهوتيل=تخيل ألتفت جنبي ألاقي حضرتك غافي
على فكره أنا مسافر بثاني يوم من ابريل=بلد مابه ملاك الروح أكيد ان نورها طافي
مسافر وين ؟ للغربة وأردد مطولك ياليل =على ذاك الخليل اللي يموت بقربك الشافي
أنا مدري عن أخبارك أبيها دوم بالتفصيل=ولا ارضى للمحبه غير قلب وافي صافي
أنا طالبك ترجع لي تحن وتسمع التعليل=ترى في قربك اتذكر حكاية حبك الدافي
