من حب مدري من جنون وسعاطير= يطيش راسي لا ذكرتك خلافي
عليك لو هم يكثرون المناعير= سيرة توافيق الوفا واختلافي
ومنك انت حيام المودة مصادير = يمي ويمك ماتذر السوافي
اشكي عليك الخيل لين انها تغير = واشكي عليها هاجسي والقوافي
يطريك طيب الصبح من طاري عصير = واذكرك قبل السعي عقب الطوافي
لان انت امير وكل ما صحت يامير = تسرج لي خيول الوفا وانت وافي
لك في قلوب الربع هيبه وتقدير = واللي يلوذ بهيبتك ما يخافي
يا بوي ما يطري على خاطري غير = حبك وحب مجالسك يالسنافي
عساك دايم يالعطاوي على خير = وعساك يا سيد الرجال متعافي
