القصيده :حان وقت الانطلاق
ابدع أبدع ياهجوسي حـان وقـت الإنطـلاق =لاتدع للحرف فرصه وأغتنـم كـل الطـروق
دام هالجمهور راقـي فالتكـن ياحـرف راق=أبغى من يسمع حروفي ينسجم معها ويـروق
أبغى بين أبيات شعري وبين هالعالـم وفـاق=يعني لازم ياهجوسي ترتقي بالشعـر فـوق
فـوق فـوق وللثريـا أفتـح ذراع العنـاق=ودي لاسمعو قصيدي صفق الجمهـور ذوق
وأنا شاعر ومتمكن وأكـره أنـواع النفـاق=يعني لاتصفق مجامـل دام شعـري مايفـوق
جيت اتل الحرف تل اللي على خـط السبـاق=ولموهـا جهزوهـا لجـل لافـزت سـبـوق
فوق ذلك لي خفوقً محتـرق فيـه إحتـراق=عاشقً لين الثماله محتـوي حـبً وشـوق
جيت اغني من غلاها زاد عن حـده وفـاق=جيت أبين مابقلبي عشق من مغـرم صـدوق
جيت أقول أني هويت ولا أرتويت وللفـراق=ينفتحلي الف بـاب ويلتويبـي الهـم طـوق
تدري أن الوصل نعمـه وأن لذتـه العنـاق=وتدري إن البعد جاير ومنك في قلبي حـروق
تدري آه أو ليت تـدري أن همـي لايطـاق=وإني أسهر مع همومي لين حزات الشـروق
من فراقك صرت شاعر صرت أحب الإستباق=صرت أخط الحرف عنوه ونعبو حرفً يعـوق
لاذكرتك غصب عني كل عـذبً لـك يسـاق=المشاعر والأغانـي والأمانـي فُـوق فُـوق
صرت أنا أحلم بك تجيني وأحضنك وأقول باق=وأن حبك يجري فيني مع شرايين وعـروق
يعني بالعربي أحبك حتـى لـو دمـي يـراق=كيف أبنسى من غرامه ساكنً وسط الخفـوق
