القصيده :بعض الكلام بداخلي
يابنت وأنا تبت عن هالمثايل=وأنتي جبرتيني على كل الأحوال
من شفتك وربي وأنا حيل شايل=بعض الكلام بداخلي ليت ينقال
ياملهمه الشعار بدع المثايل=يامعلمه ريم الفلا كيف يختال
يامخجله وردً على الغصن مايل=ياجامعه كل الحلا فيك بهبال
لايافرس تسوى جميع الأصايل=أنا أشهد إنه ماقدر فيك خيال
حزتي على كل الصفات بدلايل=لامال خصرك بالدلع ناظرك مال
لك رزةً تتعب جموع وقبايل=ولك نظرةً في سحرها كل الأهوال
حتى قصيدي منك شاف الهوايل=كل مابغيت أسجله حاشه أجفال
حسنك ترى نادر ولاله بدايل=ومن وين ماجيت اوصفك طاب موال
