القصيده :ديــدحانه..ديــدحانه
يا قمر اقعد مكانك يا ألد اعدائي= انهزمت و لا تفيد الطلة السحرية
استرح لا بارك الله نورك الضوضائي= و اعترف ما دام قلبي في يد الحورية
الهنوف اللي هدفها فالحياة ارضائي= مهرة ٍ للزين تاج و للفخر مارية
في سناها نور يدحر ليلتي الظلمائي = و في حلاها جيش يسبي عقلي بسرية
العيون اليا غزتني ( شتتت ارجائي) = تاخذ الخافق معاها برحلة ٍ بحرية
و الحكي اليا تحكت (جمعت اشلائي) = ويل حالي لو تغنى حروفها العذرية
الشفايا كنها تنادي تبي امضائي = مار توقف دونها .. القطعة الخمرية
وصلها مثل العلاج لارضي الجردائي = تنبت باقصى ضلوعي وردة ٍ برية
ديدحانه.. ديدحانه و اطربت اجوائي = يوم كل ٍ ينطرب جوّه على جورية
و ان رجعنا يا قمر للطيب و الاسمائي = جدها اللي ينحر الحاشي على طاريه
نايفه فوق الثريا..شامخة شمائي = سافهه اهل الدجل و الفكر و الحرية
ما تبالي بهمهمات الناس و الاضوائي = و لا تبالي بغطرسات المرأة العصرية
يا قمر.. مالك مكان ٍ يا ألد اعدائي = انهزمت و لا تفيد الطلة السحرية
