المعذره لعدم تفهمي للموضوع لأنني كتبت قصيدتي هذه بقسم شعراء آخرون كنت أظن بالقسمين أنه شعراء النشاما هل هم بمنتدى أو موقع يسمى النشاما وأنا بكل صدق أول مره أدخل الموقع هذا وبداية دخولي بدر مني هذا الخطأ ووضعت قصيدتي بالقسم الآخر ولا كنت أعلم وارجو أن الكل لايحتسب القصيدة التي بالقسم الآخر لشاعرآ آخر وأنما هذه القصيده لي وأرجو تقبل مني الخطأ،،،
إن كان تبحث غلاتك يانظر عيني =اليا وصفت الغلا ماراح تنساني
ماراح تنسا كلامي حُزة الديني =مابالغ أن قلت يوم البعث تطراني
خذ مايلي من خفوقي اسمعه زيني =أفطن ترا نابعه من جوف وجداني
ماأملكه قاسمه ياعين نصفيني =الأوله لي وأنت النصفي الثاني
مثل السجين الذي وسط المساجيني =أفرج بعد كمًل المده وولهاني
ولهان في طلعته شوف الوراعيني =خمسة عشر عام غيًر كل الأعياني
ولا مثل خايعٍ جاه البساتيني =ساقيه نوٍ بعد ماكان ضمياني
راع الولع شابعً ذوده ملاويني =مستاسع البال متطمن وطرباني
غلاك ياعين جاري في شراييني =امشي وطاريك متكرر على الساني
أسمك على كل موضوعي عناويني =حتى طبعت الأسامي وسط ديواني
شفت الغلا كيف مابين المحبيني =هذا ترا أنته وأنا والكل منصاني
والحين قلي وحط العين بالعيني =بقرا جوابك بعد ماجاك ماجاني
