[لعــــبة كــــراســــي ]بقلم:: [الخيانه / خالد الحجيري..بيرق سليم]بقلم:: [بالإمير نواف بن فواز الشعلان ]بقلم:: [المعلقـه ]بقلم:: [بمناسبة شفاء الملك عبدالله بن عبدالعزيز حفظه الله ]بقلم:: [المكوك ]بقلم:: [الصدر ضاق ]بقلم:: [خــــــيرة المشوره ]بقلم:: [الحــــــــــاير ]بقلم:: [الواسطه ]بقلم::
التسجيل الآن
العلم بحر وعاجزه تستوعبه بعـض العقـول=والعلم مـن كتُابتـه يـروي ظمـى قرُايتـه ولاتوجد اية مشكلـه الا لهـا عـدت حلـول=والمبتلى خيـم علـى عقلـه ظـلام حكايتـه ماعاد يعرف وش يسوي لا ولايقـدر ينـول=انتاج عقلـه كـن فكـره للبـلاوي شايتـه والشخص اذا نجمه سطع يعمل حسابه للأفول=دنيـاه دواره وساعـات المصايـب جايتـه الله خلق والله فـرق بيـن الاوادم بالحمـول=وعطى لكل انسان قدره حسب ثقل وصايتـه احدن يشيل طويق واحدن حملته حملت رحول=واحدن يادوب يشيل نفسه في ضهر عصايته وانا بفضل الله وحفظه ماشين حسب الاصول=وادعي عسى رب البشـر يمدنـي بهدايتـه الارض صحرى ضاميه ياربي ارزقها السيول=يارب راعيها صبر ولا حصلـت لـه غايتـه دنياي عيت تبتسم وانا على البسمه عجـول=والامـر بيـد الله رجـاي يحلهـا بدرايتـه ضربتها من كل صوب ولاحصل منهـا قبـول=كل امر يسهـل باولـه ومصيبتـه بنهايتـه ماكنه الا بـاب مغلـق بالسلاسـل والقفـول=وفالسطح قناص متمـرس ماهـرن برمايتـه واذا نويت اكسـر البيبـان طلقاتـه تحـول=مابيني وبين الفرج واصحى الجروح البايتـه اشكي من الامي على نفسي ثم استرجع واقول=ان القلـم مايجبـر كسـوره سـوى برايتـه جروح قلبي تلتهب والهـم رافـض لايـزول=وارزاقنـا بيـد الولـي والـدرب يامشايتـه اصارع امواج الحياه بحسب ماهـو بمعمـول=واخذت من ضيم الدهر على ماظـن كفايتـه وسافرت لاجمل ذكرياتي غرب واسوق الذلول=العاشق الظامي يبا الماء مـن يـدا سقايتـه للي ليا ابتسمت لمع من فمهـا حبـات لـول=وليا ازعلت منها يذوب القلب فـي ترضايتـه لها مكانه وسط قلبـي مايزعزعهـا العـذول=خل العذول يموت في حقـده بسـم وشايتـه قلبي لها حصنن محصن ضد هجمات الفلـول=وأعضاء جسمي مستميته في سبيـل حمايتـه لاجيت ابوصفها يتوه الوصف واقف في ذهول=وشلون ابوصفها وهي ذات الجمـال وأيتـه ياليت قلبي كل ماصابـه مـن الفرقـا ذبـول=تسقيـه بزيـاره تنسيـه الهمـوم الفايـتـه وين انت يأجمل وارق انسان يالترف الخجول=وين انت نفسي من غيابك في دروبك هايتـه تعـال يافتنـة بنـي أدم وياسحـر العقـول=تعال ياشمـس المعنـى فـي ظـلام حكايتـه بقلم : فايح بن فيحان الغويري
