القصيده :>>>>> دنــيــا الـــسهـــــر <<<<
.
.
ياليـل انـا ويـاك قصـه طويلـه=ماعاشها قبلي ولا بعـدي انسـان
يا ليل يا راعي حمـول(ن) ثقيلـه= غرست في قلبي و سومن للاحزان
ياكثر دمع(ن)طـاح منـي وشيلـه=مدري ألم مدري من الهـم حيـران
والمشكلـه ماعـاد باليـد حيـلـه= لامن تقفـل مـن حواليـك بيبـان
دنيا السهـر اعيشهـا كـل ليلـه=بين القلم واوراقي عشق(ن) لقيفان
ياليـل لوعـات الليالـي كفيـلـه=شربت معها المر أشكـال و الـوان
ياليل فيـك الشعـر يعلـن هميلـه= تساقطت اوراق حزني من اغصـان
حزني كما حزن الشـراري بقتيلـه= وانته تشابه قسـوه أبـوه قبـلان
من حولي الاهـات تشعـل فتيلـه=أمسيت في هم(ن) وأصبحت في كان
ياليل مانـي لجـل عينـك ذليلـه= تلعب بقلبي لعبـة الطيـر حـوران
علمت نفسي مـن سلـوم القبيلـه= أن الكرامه تاج(ن) براس الانسـان
ورفعت نفسي عن دروب الرذيلـه= وحطيت لي في ماقف الطيب عنوان
.
.
.
