دواوين شعراء النشاما::وقتنا الحاظر::مطلق بن لافي العتيبي
القصيده :وقتنا الحاظر
انا شاعر من عتيبه ولي مبداء مع القيفان=اصخرها واطـوعها واجيب الجزل قيــفاني
انا لا من صفى فكري اعـديـها على الميدان=شوارد والفكر حاجز على الميدان ميداني
سمين الحال فالمـعنا اوردها على البرهان=جزايل والسبوق اللي على الطالات برهاني
يقوله شاعرآ يعسـف من القـيفان له ضيفان=ولا له فالردى معنى ولا قد جـات ضـيفاني
كسب قولن يماري به على الطـالات له نيشان=عتيبه والفخـر لا من شهـرة وقلت نيشاني
حكيم الراس لا منه نـوى يبـدع على الالحان=يجرالصوت والخافق على الموزن بالالحاني
تصبر يا وحــش قافي نبي نظهـرعن العنوان=نساير وقتناالحاظر ونبدا باصـل عنواني
تغير وضعـنا واللي ربح منا طـلع خــسران=تشبه والعمل مكسب مع الخسـران خسـراني
رجو درب الغريب اللي عليهم بالفعل كسبان=ولا عادالـغـريب اللي عليهم دوم كسباني
الا يافاهم المعني وش المقصد على المجان=على غيرالقيم نمــشي وفعل الغير مجاني
تطبع ياعـرب واللي عـرف منهم طلع نقصان=حثـاله ياعسـى قومن بهالاشكـال نقصاني
نسو دربن على العـزه تميـزنا عن الاوطان=دروب المرجه وعــره وكلـن يتبع اوطاني
يقوله شاعرآ يكتب من الخـافق لكـم اعلان=غيورً يذكــرالمعنى على ماشاف بأعـلاني
