القصيده :غيري يجيب العيد قبل اول العيد
غيري يجيب العيد قبل اول العيد=وانا متكي واول العيـد اعيـده
مجنون شعرياً ولايمكـن ابيـد=ماابيد لو سنين عمـري عنيـده
امشي على قانون من يقطع البيد=ياصل ولو ان المسافـه بعيـده
واهم شي اقول واطول واسيـد=والشعر انا عمه وخاله وسيـده
وليا كثر ف ارضه زحام المجاليد=اسبب الازمـه بداخـل بريـده
اظبط مقال المخ فالمخ و الأيـد=ترسل مقال المخ للناس سيـده
في كل يوم ازيد وان زدت ماازيد=الا بطـرحً فيـه فكـره فريـده
والشعر لو ماله ركون وعواميد=ماشفت شعـاره تحـرر عبيـده
والشعر لو مافيه عالم مقاريـد=ماعيفوك بشيً اسمـه جريـده
صحيح هو فتنه بعد فتنة الغيـد=بس اغلب الاحيان ضربة حديده
ياعيد لو ماهي على الكيف ياعيد=قلبي نفض عرقه وجاوب وريده
علم ولد محمود قـل يامحيميـد=تراك ابن محمود وامك حميـده
وان قالك هالعلم مافيـه تجديـد=قل ايه بس ان القصيده جديـده
