القصيده :ذكرت الله المعبـود
ذكرت الله المعبـود ربـي وخالقـي=إليـه انحنـي بايمـان عبـد فقيـر
هو اللي يخلقّ النفس واللي يميتهـا=وهو عالم امر النفس ويـش تصيـر
خلق مرسيات الارض وايضاًُ بعد خلق=خلق شمس والحقها السـراج ينيـر
بعد ذكره ابدا ارصع القـول واسكبـه=وانا اللي لترصيـع البيـوت خبيـر
ابصخر القيفان ب اسمي وانا الـذي=مايبرد طـرف كبـده بـلا تصّخيـر
تولـم نديبـي والله الله وإلـى متـى=اقـف وقفـة اللـي وقفتـه كالنيـر
على اللي مصممها ماتبـرد زقارتـه=يهـودي وسكيـر وولــد سكـيـر
صنعها وزين صنعها عقلـه الذكـي=وصـارت اداه ب كـل دار تطـيـر
نديبـي ليـا مـن الاوادم تهجعـت=عط افراد بـرج الطايـرات نذيـر .
وقل ياهل البرج السموحـه ف أننـي=نديب برسالـه والنديـب سفـيـر
ثم اركب على اللي لا استدارت كأنها=تقـوس كمـا سيـفً بـدون جفيـر
وماكنها الايوم تهـرب عـن النظـر=طـرف دلـو مفلـوتً لجمـة بيـر
واذا عدت العشـر الدقايـق بجوهـا=كمـا يـد صقيـرً وابـن صقـيـر
طرف خشمها كنه مصنع لها الشطـر=لـرد الثنـاء جاهـز لـو التفجّيـر
نديبي مـن ديـار الرسـول محمـدا=توكل تـرى مااخبـر مـداك قصيـر
عليك بديـارً حـوت روح صاحبـي=لها قدر فـي خافـق خفوقـي غيـر
توجه لا امريكا ثـم انحـر ولايتـه=بعـد ميـامـي ماتـريـد خبـيـر
ثم اسأل وقل وين الممثـل جماعتـه=وداره وصدقانـه ونفـسـه خـيـر
نعم خير من مثل ومن هـو يماثلـه=على جبهته تلقـى السهـوم تشيـر
على انه رضي اثنين وليا فزع فـزع=وعلـى كـل دربً للزحـول مغـيـر
ليا من وصلته رد له حبـة الخشـم=وزدهـا وخلـك يالرسـول بـريـر
وقله ترا صاحبـك مااتـت مطالبـه=لكن العـزا فـي شوفتـك يـا ميـر
يا ابو بندر اقسم لك بمن نزل الفلـك=ب أنـي كمـا دارً حـوت معصيـر
حنت يدي ظروفي عقب مامعي وفـت=ولكـن وفاهـا ضـاع بالتشّفـيـر
خسر مربحي واصبحت سلعه بلا ثمن=ماتنـبـاع ولا تقـبـل التصّـديـر
بعد كانت اللي تروي وتشبـع المـلا=مضـت لماضيـات السنيـن تشيـر
وانا يعلم الله مـازوى خاطـري زوي=سوا خطواتك لـي والجميـل كبيـر
وقفتوا عليكم مع بياض الوجه نعـم=ونعـم عليكـم مايـعـود خسـيـر
لو الشعر فيكم ما حبكته وجدت بـه=عساه يتهـاوى فـي مهـوّ مشيـر
عسى الله يقدرنـي علـى رد طيبكـم=بعـز وكرامـه وبصفـاء ضمـيـر
يا ابن روق دام انك بصحة وعافيـه=ف انـا لربـي بالشـكـور اسـيـر
وصلني سلامك وسط باقـه مزينـه=مـن الـورد ممـا يرغبـون ظفيـر
ونسقت مـن باقتـك باقـه منسقـه=وزودتهـا ريـح العبـيـر عبـيـر
وخير الختام اعداد مايمطـر المطـر=وماتحضن الكفيـن عطـف صغيـر
صلاتي وتسليمي على صادق البشـر=محـمـد رســولً للهداه بشـيـر
